| 去台灣5月尾6月頭的機位間間都話爆哂，上網揾到好炆呀！ 年宵又有好多資料要搵，花多眼亂但係又冇啱的，好炆呀！ 細妹揾學校好難揾，佢又唔生性，好炆呀都！ 考完試勁多野要煩，好麻煩呀！ 仲有個天氣真係熱到呀.....熱到我好炆！ |
| |
| 今日終於call左van仔執哂hall大部份gei物品番屋企啦~好重好重勁多野...d野依家仲係放滿係間房度仲未執...都唔知放去邊好lo....度度都full哂冇位放lo...... 今日執櫃桶發現左一張好耐之前剪落黎gei剪報介紹一本叫<回到開心時>的書, 睇番都仲覺得好有意思^^~作者咁講： (一) 每天起床我們要告訴自己我今天要積極開心度過
(二) 用積極的語句代替消極的語句，例如我是教書的，消極我的會說，「沒有學生喜歡我」，但積極的說法是「沒有可能所有學生都喜歡我，有一半人喜歡我我已心感滿足。」
(三) 我們要欣賞四周我事物，不要隨便埋怨。
(四) 人生有得有失，要懂得如何放手
(五) 不要擔憂我們不能控制的事情
(六) 失敗了不要自責、灰心、自卑和放棄
(七) 定下可行的目標、堅持信念 講真，個個都知，但係要做起上黎都有一定難道。不過我諗我都係一個幾樂觀ｇｅｉ人來的，希望我可以有能力令到我身邊消極的家人、朋友，都可以變得凡事樂觀開心起黎 |
| |
| 之前成日太夜訓，搞到依家變左日頭要訓覺夜晚先精神。。。日頭唔訓會好頭痛 呢排成日日頭起身食完飯就訓...今晚冇啦啦又嚴重胃痛又肚痛，好辛苦好唔舒服.....但係又唔想食胃藥。奶庭，如果你可以黎陪下我就好啦。。。 好開心有好多人關人，多謝送贈梳打餅救急人士。 睇黎要快Ｄ調理番好個生理時鐘啦。。。 胃呀胃，你快Ｄ好番啦～＞＂＜ 係時候訓覺啦～ : ) 好懶惰呀日日都，要努力努力溫書啦！！！！ |
| |
| 部Notebook唔小心掉了落地下．．．壞左開唔到．．． 屋企部電腦 ，大中毒．．．淨係上到網唔可以做任何文件 依家得番Ｈａｌｌ個電腦室正常Ｄ！ 放假無左部電腦．．．唔洗番工ｇｅｉ時間真係唔知做乜好～”～ 放假屋企又無人，番ｈａｌｌ又無人，奶庭Ｄ作息時間同我唔同又唔可以成日陪到我，約朋友佢地又都好忙唔想嘈住佢地，好多好多功課等住我做，哈哈，我都係好好休息幾日先，乜都唔好諗住啦，放自己幾日假。放左兩日假，終於可以俾我係天黑訓覺啦～好享受！可惜呢幾日日日都要番工同補習都冇得訓到好晏，同埋趕時間都仲未有得食餐正常的Lunch，唔驚，就黎可以gei啦。 不過呢幾日得自己一個活動，鍾意做乜就做乜，日日放工去買個奶油豬，篤串魚蛋，買個ｃａｋｅ食，睇下衫，又唔洗俾人吹番屋企或趕番去做功課，好relax～！ |
| |
